「開心果關注組」大推嘅糯米糍喺UNY都食到？6月19日至7月2日，本地人氣餅店「均香餅家」將於UNY樂富店開設期間限定店，帶嚟佢哋熱賣嘅手工糯米糍*，包括開心果、朱古力榛子、芝麻同花生口味，粒粒都係每日新鮮製造，口感軟糯拉絲，足料爆餡！除此之外，期間限定店亦同時提供各款港式懷舊小食，例如蛋散、雞仔餅、牛耳等，鍾意傳統風味嘅你記得試埋喇！