「慶祝香港特別行政區成立周年－昔日中西區照片展」今日(20/6)起喺金鐘太古廣場舉行喇！展覽由中西區民政處主辦，展出超過張昔日照片，追溯中西區唔同階段嘅社會文化風貌，加深公眾對社區嘅認識，共賀香港特別行政區成立周年。

今次展出嘅照片最早攝於1905年，由微觀生活百態、文娛慶典，延伸至宏觀嘅城市面貌同埋風景線。大家仲可以置身以香港其中一條最古老街道－荷李活道為設計靈感嘅展覽裝置，跨越時空，細味中西區人文風光。現場設有「打卡」點，等緊你成為當年中西區體育節「兒童細運會」嘅一份子；仲有「猜地點」小遊戲，考考你對中西區嘅認識。中西區民政處尋日(19/6)聯同全力支持機構太古廣場及太古歷史檔案，與一眾社會領袖同地區人士，包括港區全國人大代表、港區全國政協委員、立法會議員、中西區區議員，以及來自地區委員會及地區組織嘅嘉賓，已先睹為快，率先參觀咗展覽。大家快啲記低展覽詳情，約埋親朋好友嚟欣賞「昔日中西區照片展」啦！