全港首個兩棲爬蟲寵物互動教育展

近年，另類寵物成為唔少香港人嘅愛寵，守宮、變色龍、青蛙等等兩棲及爬蟲動物外表奇特但背後藏著鮮為人知嘅魅力 由2025年7月10至28日期間，合和商場將中庭變身成《另類寵物世界 Exotic Pets World》，舉辦全港首個兩棲爬蟲寵物互動教育展！即刻睇吓呢個Summer Party有咩玩啦12種珍稀異寵集結「兩棲及爬蟲展區」

可以近距離同瀕危嘅星點水龜、野外族群幾近滅絕嘅三線閉殼龜、稀有物種墨西哥刺尾鬣蜥等打招呼 平時冇乜機會見到佢哋咖～

「互動異寵樂園」

憑Hopewell Cluster內消費滿HK$100*，即可親身接觸多隻可愛嘅冷血朋友，好似南美洲泰加蜥蝪、世界第三大陸龜蘇卡達象龜、大型陸生龜種阿達伯拉象龜等，仲有得餵飼龜龜，實現零距離接觸

「小小動物學家」

體驗課及暑期課程 小朋友同一眾異寵朋友見面後被燃起好奇心？參與「小小動物學家」體驗課或暑期課程就可以從專家身上學習到動物分類、飼養知識、生物觀察等資訊，仲可以親手觸摸守宮、陸龜、粟米蛇等動物，學習尊重生命與自然，成為動物學家明日之星 每位完成整個暑期課程嘅小學員，更可參加7月26日舉行嘅成果分享禮並獲頒發大會限定證書添

五大親子工作坊

‣ 動物填色創作
‣ 標本製作
‣ 生態造景缸DIY
‣ 蝶古巴特視覺拼貼藝術
‣ 兩棲昆蟲主題 - 風中追蜂 / 香港兩棲與牠們的產地 / 螞蟻王國

「小小動物學家」體驗課 - 參加方法
憑Hopewell Cluster內消費滿HK$100可換領體驗課一節（共30分鐘）*。

「小小動物學家」暑期課程 / 五大親子工作坊

參加方法：
1.透過 https://bit.ly/3HN315o 報名及付款（內有各暑期課程 / 工作坊日期及時間）。
2.Hopewell Club會員可憑HC積分免費換領指定暑期課程一個（共3堂，每堂60分鐘） / 工作坊一節^*。
（換領方法：登入Hopewell Club手機App，前往「尊享禮遇」頁面並點選「積分獎賞」。）

生命教育講座

免費參與逢週末舉行嘅公開講座，由動物專家主持，全方位了解人與動物之間嘅關係

追加「水族區」 探索螯蝦及淡水甲殼類等嘅奧妙生態

可以觀賞體色鮮艷、深受飼養者喜愛嘅澳洲天空藍螯蝦，以及以尾部半透明、動作靈敏見稱嘅幽靈尾螯蝦等，欣賞呢啲迷你水中生物嘅獨特魅力

無論你係對爬蟲類動物情有獨鍾，定係想趁難得機會初步認識呢班可愛嘅冷血朋友，《另類寵物世界 Exotic Pets World》一定帶到驚喜俾你，跟實我哋了解更多活動詳情啦