細個聽過《二十四孝》故事嘅你，如果而家再睇返，會唔會有另一番體會？

香港新生代藝術家洪澄欣 (Fion) 嚟到海港城美術館舉辦首次香港個人展覽《The Skeletons in the Closet》，用當代視角玩轉《二十四孝》故事，呈現24幅融合超現實主義同黑色幽默嘅攝影拼貼作品！每幅作品都以鮮艷嘅色彩、荒誕嘅佈置去表達每個故事 展覽中央仲還原咗其中一個作品嘅場景，以一張擺滿橙嘅梳化邀請觀眾「打卡」。當睇見梳化上面嘅橙時，你會想偷偷收埋一個，帶返屋企送俾你嘅家人嗎？