日本鬼才唱作歌手Kaneko Ayano終於嚟香港啦！ 10月3號（星期五），佢會帶住佢嘅完整樂隊kanekoayano ，喺 Portal（新蒲崗The Burrow）同大家見面！

呢位日本樂壇近年最破格，樂迷暱稱金子小姐嘅搖滾歌手，將會用佢充滿詩意嘅歌詞、爆發力十足嘅演岀，同樂迷經歷一個難忘嘅夜晚！真假音切換嘅詭譎旋律、暴烈掃弦同溫柔呢喃嘅交替，仲有四人編制默契爆棚嘅即興火花，大家準備好比佢嘅音樂現場炸一下，彼此靈魂共振嘅感覺未！雖然呢個形容已經非常氾濫，但見識過Kaneko現場演出嘅人，應該都會好認同，如果一隻家貓變成一個 indie rock 女歌手出生係日本，應該就係佢咁樣嘅模樣 – 時而慵懶溫柔，時而狂野不羈，完全估佢唔到。上一秒狂妄歪嘴魅惑不屑，下一秒低頭順毛溫婉微笑 – 令人完全捉摸不透，帥氣同可愛並存嘅反差萌！自2016年推出首張acoustic專輯《hug》同2017年黑膠《Muretachi》以來，Ayano憑住佢把穿透靈魂嘅聲線——由驚人嘅廣寬音域到招牌煞食嘅低音——俘虜咗無數樂迷。佢嘅作品充滿個人色彩，聚焦生活上嘅碎片，從日常嘅「自動販賣機」「涼被」到疫情中嘅自省，就好似佢自己嘅私密日記。加上豐富嘅編曲，驚人嘅表演張力，令佢迅速累積死忠粉絲，更喺2021年完售日本武道館！2023年佢更強勢回歸，連開兩場。而家，佢用自己固定班底組成kanekoayano樂隊，氣勢比以往更強！佢哋最近喺Fuji Rock嘅演出震撼全場，好多樂迷紛紛表示係今屆最亮眼表演之一！ 繼英國巡演三次同澳洲首演後，今次終於殺到香港，你點可以錯過？．請勿誤信非官方售票渠道Follow 埋 Timable 演唱會 FB 專頁：
https://www.facebook.com/timable.hk.concerts