柏林爵士新浪潮三重奏 Moses Yoofee Trio 殺到香港！

德國爆紅爵士新勢力 10月首度襲港 — 香港嘅樂迷有福了！Clockenflap 好興奮宣布，柏林爆紅爵士三重奏 Moses Yoofee Trio 將會喺 10月15日來香港，舉行佢哋嘅香港首次專場音樂會！Moses Yoofee Trio 係風靡歐洲嘅柏林爵士圈新貴，其中 Moses 14歲已被德國《Tagesspiegel 每日鏡報》封為「爵士神童」。但唔好俾個名呃到——呢隊三人組合（鼓手Noah Fürbringer、低音結他手Roman Klobe、鍵盤手/band leader Moses Yoofee）係真‧合作無間，三位一體嘅組合。機緣巧合，佢哋喺柏林爵士學院相遇，一jam即爆出音樂火花，Moses自己都話係「一見鍾情！」由當初放排練片上網，到而家橫掃歐洲各大音樂節，演出場地越來越大，場場爆滿， 已經係歐洲爵士界最炙手可熱嘅名字。歐洲樂迷一早就被佢哋徹底征服——今次終於輪到香港！ 佢哋嘅音樂爆炸力十足，融合爵士、Hip-Hop、R&B同Soul，現場演出要即興有即興；要技術有技術，今個10月終於殺到嚟香港開騷，大家準備好迎接一晚充滿音樂能量，爽到震嘅現場體驗未？．請勿誤信非官方售票渠道Follow 埋 Timable 演唱會 FB 專頁：
https://www.facebook.com/timable.hk.concerts