2025年嘅香港島海濱大變身，新增咗十幾項設施同路線，包括 「東岸板道」、「船錨廣場」 等等！同一個環島徑，今次帶俾你全新體驗！
你，準備好未？

今個冬天，約定大家，港島環島徑見！「香港島環島徑挑戰」係一個慈善籌款活動，籌到嘅錢會用喺：
撰寫建議以提升港島環島徑設施
推廣步行文化
提倡健康生活同環保意識一齊跑出健康，跑出意義！

港島環島徑總共分開8段，你只需要喺活動期間（2025年11月8日至2026年1月26日），自由安排時間逐段完成就得㗎！

仲有好消息！每完成一段，你就可以獲得該路段限定嘅特色襟章一套！
（每款襟章設計都會融入該區特色，收藏價值爆燈！詳情稍後公佈～）慢慢行、慢慢儲，輕鬆完成挑戰兼集齊全套襟章！ 維港西段: 香港摩天輪 ⇔ 堅尼地城臨時遊樂場摩星嶺段: 堅尼地城臨時遊樂場 ⇔ 數碼港海濱公園香港仔段: 數碼港海濱公園 ⇔ 海洋公園正門南區沙灘段: 海洋公園正門 ⇔ 赤柱馬坑公園大潭自然段: 赤柱馬坑公園 ⇔ 港島徑第7及8段交接點龍脊段: 港島徑第7及8段交接點 ⇔ 小西灣(海水)抽水站柴灣段: 小西灣(海水)抽水站 ⇔ 東岸板道(海裕街入口)維港東段: 東岸板道(海裕街入口) ⇔ 香港摩天輪