香港係一個活力澎湃嘅國際都會，亦擁有非常豐富嘅生物多樣性同獨特嘅鄉郊面貌！為響應「全國生態日」，鄉郊保育辦公室將於9月9日起舉辦「生態『悠』蹤」專題展覽，誠邀各位前來探索香港鮮為人知嘅自然生態與鄉郊文化之美。

展覽將透過六個精心設計嘅互動展區，帶你深入認識香港嘅生物多樣性，欣賞醉人嘅鄉郊景致，切實感受「綠水青山就是金山銀山」嘅深遠理念。六大展區．沉浸式體驗香港郊野
「蝴蝶賞一賞」：化身研究員．模擬斑蝶標放
想知香港有幾多種蝴蝶？齊來化身生態研究員，親手模擬為斑蝶標記，透過顯微鏡觀察色彩繽紛嘅鱗片，了解本地物種遷徙嘅奧秘同保育工作，窺探香港豐富嘅生物多樣性。「水鳥飛一飛」：VR沉浸式體驗．后海灣魚塘觀鳥
戴上VR眼鏡，瞬間轉移到后海灣魚塘，近距離觀察各種珍貴水鳥嘅生活，感受香港作為候鳥天堂嘅重要性。「鄉郊走一走」：互動體驗．漫步鄉郊
透過實境影片同互動裝置，讓你「漫步」於谷埔及梅子林嘅鄉郊小徑，細味偏遠鄉郊嘅歷史建築同寧靜氛圍。「文化學一學」：遊戲探索．客家文化
挑戰文化卡牌遊戲，發掘荔枝窩客家文化嘅獨特傳統同生活智慧，了解人與自然共融嘅鄉郊生活。「谷埔坐一坐」：夢幻打卡．黃金蘆葦田
置身立體嘅黃金蘆葦田之中，欣賞谷埔獨有嘅鄉郊景色，影出充滿秋日氣息嘅靚相！「美景影一影」：限定留念．主題自拍機
免費任玩「人生四格」自拍機，揀選心愛嘅鄉郊主題相框，為呢趟生態文化之旅記錄美好時刻。週末限定特備節目
9月13日（星期六）14:00-15:45「自然樂聚」表演節目
將邀請到跳唱女歌手 陳葦璇 Kira、《中年好聲音3》七強 占士丁丁、甜美啦啦隊 Taurus 金牛女孩、無伴奏合唱團 Tunatics ，同埋尚武文化中心嘅學員，帶來精彩演出，並分享佢哋對鄉郊保育嘅感受。

「生態『悠』蹤」─「綠藝工房」環保工作坊
喺繁忙嘅城市生活入面，係咪好想搵個機會放鬆下？？
今年嘅「生態『悠』蹤」全國生態日專題展覽2025，為大家準備咗兩款免費環保工作坊，等你可以親手將大自然嘅美好同綠色生活嘅理念，融入你嘅日常。過程唔單止可以發揮你嘅無限創意，仲可以學到環保生活嘅小智慧，絕對係一個又療癒又有意義嘅週末活動！

盆景沙畫多肉植物工作坊
將色彩斑斕嘅沙，結合生命力滿滿嘅多肉植物，一齊創造出獨一無二嘅「微型綠洲」，為你嘅書枱或者窗邊增添一抹綠色生氣。再生圍裙工作坊
發揮你嘅升級再造小宇宙！我哋特別使用過往展覽回收嘅布料，畀你親手將佢哋Upcycle，變成一條實用又時尚嘅圍裙，實踐零廢棄生活。（特設親子班 ，歡迎一家大細齊齊玩！）2025年9月14日（星期日）
14:00-15:00｜盆景沙畫多肉植物工作坊
15:30-16:30｜再生圍裙工作坊—親子班
17:00-18:00｜再生圍裙工作坊 報名三步曲：
1.追蹤我哋嘅 Facebook (鄉郊保育 Countryside Conservation HK) 或 Instagram (@countrysideconservationhk)
2.讚好 呢個帖文
3.填妥 網上報名表
報名連結：https://forms.gle/PVxqnjkpQcYSicPDA
截止報名日期：2025年9月4日（星期四）23:59