為慶祝中華人民共和國成立周年呢個大日子，元朗民政處聯同元朗區慶祝中華人民共和國國慶統籌委員會 ，喺區內嘅主要地點展示琳瑯滿目嘅布置裝飾，包括國旗、區旗、大小型橫額、燈柱旗、串旗同戶外貼紙裝飾等，以增添節慶氣氛，同區內居民共賀76周年呢個大日子。

元朗係「城鄉共融」嘅多元化社區，區內特色裝置一定唔少得傳統嘅大型花牌。一如以往，除咗喺元朗六鄉鄉事委員會辦事處一帶外，最吸睛嘅當然係元朗民政處大廈對出小花圃前嘅LED燈大型花牌。花牌手工精緻，有龍柱 及孔雀傳統吉祥物作為裝飾，寓意普天同慶及國運昌隆。大家途經元朗大馬路嘅時候，不妨打卡留念，感受一下賀國慶嘅熱鬧氣氛。而為咗迎接咁開心嘅大日子，元朗區將舉行一連串精彩嘅活動，同大家開開心心共賀國慶七十六周年。