由無印良品主辦、著名微型攝影師與擬物創作者田中達也策劃嘅「small MUJI」微型藝術展將於3/10起登陸皇室堡無印良品，全期免費入場參觀。

展覽以無印良品日常用品為靈感，透過創意轉化為充滿故事嘅微型藝術作品，帶大家發現生活中嘅細節與美感。「small MUJI」展覽曾經喺赫爾辛基、銀座、大阪、新加坡、北京及紐約等多個地方巡迴展出，廣受各地觀眾好評。今次香港站將加入全新創作同在地元素，帶來一場既具視覺享受又富文化韻味嘅體驗。