香港公益金將會喺11月30號，喺香港最新基建地標—中九龍繞道(油麻地段)舉行「港島、九龍區百萬行」，屆時參加者可以喺正式啟用前親身踏足全新嘅行車路，機會難得！公益金誠邀各大企業及機構共襄盛舉，同心同步參與公益金嘅年度盛事，以慈善步行形式齊齊為公益出力，透過行動關懷社群，傳遞愛心。

公益金衷心感謝中國銀行（香港）全力支持及慷慨贊助活動經費，以及安排中銀香港義工隊協助活動舉行，所有善款將用於資助24間提供「家庭及兒童福利服務」嘅機構，幫助有需要家庭。公益金亦感謝路政署嘅鼎力協助，讓公益金有幸喺香港重要大型基建開通前舉辦百萬行。路線: 途經承豐道公園、啟德地下行車道、中九龍繞道至承啟道。全程長約3.6公里，步畢全程約需1小時。歡迎各企業及機構踴躍組織員工隊伍參與，增強團隊凝聚力之餘，一齊為慈善起步，以行動展示企業嘅社會責任！