為慶祝「第十五屆全國運動會」在廣東、香港和澳門舉行，「香港戶外用品及運動博覽 2025 暨 亞洲室內運動節」將於11月21至23日盛大舉行

今次 #香港戶外用品及運動博覽 2025 暨 亞洲室內運動節 除咗展出各式各樣嘅運動用品、裝備、行山露營、運動治療等產品外，更包涵50多個高水準運動比賽、體驗及教室，例如劍擊、平衡車、高輪單車、匹克球同飛鏢等等。展覽更加首次推出「第一屆香港高球展」，將展出多款高爾夫球運動品牌，更有高爾夫球時裝SHOW同推桿挑戰，熱愛高爾夫球嘅人士一定唔可以錯過！為感謝各體育老師致力培育香港未來嘅運動精英，以及為運動界作出嘅莫大貢獻，由展覽集團有限公司主辦；明報協辦嘅「香港體育老師嘉許禮 2025」將於展覽中舉行，藉此表揚一眾負責體育項目嘅老師。展覽亦都特別將展覽開幕日11月21日定為 「銀髮星期五」 ，設有多項為銀髮族而設嘅比賽同體驗，例如「銀髮族飛鏢邀請賽」、 「銀髮族拳擊/搏擊觀摩」、 「會展乒乓球長者盃」等。另外亦設有「樂齡動力區」，長者可以使用最新嘅VR設備體驗運動樂趣，接觸吓新科技添！一連三日，記得帶埋一家大細黎會展做下運動啦！【場內活動及資訊】
會展首次「第一屆香港高球展」
香港體育老師嘉許禮 2025
銀髮星期五 及 樂齡動力區
單車及平衡車體驗區
大型運動品牌開倉
Mameaward 健康媽分享會及頒獎典禮【大型比賽】
—　大灣區合球錦標賽2025
—　亞洲劍擊俱樂部聯賽總決賽2025
—　亞洲柔道公開賽（香港）2025
—　HKTTF會展盃乒乓球比賽
—　軟式飛鏢比賽
—　第十五屆教師體育節：飛鏢比賽
—　EF全港青少年搏擊大賽
—　EF香港拳王腰帶賽