學新嘢，係咪投放越多時間同資源，就一定會學得越好？未必：我地有時會遇到「樽頸」，甚至越學越混亂。用啱學習方法先係關鍵。

其實AI都會遇到類似嘅學習問題。 2023數學與計算機科學獎獲獎者何愷明、孫劍、任少卿和張祥雨共同研發出深度殘差學習，係近年AI發展嘅重大突破。殘差神經網絡（ResNet）設計基於深度殘差學習，幫AI開咗條「快速通道」，確保重要訊息經過層層傳遞後仍能保留，學習自然又快又準，解決咗過往神經網絡層數增加過多，學習性能反而下降嘅問題。ResNet現已廣泛應用喺影像識別、語音辨識同人臉辨識等範疇。如果你想了解更多佢哋嘅研究、人工智能技術同本地人工智能研究，歡迎前來參觀展覽！展覽仲有互動展品「AI圖像識別大比拼」，展期仲有幾日，快啲嚟香港科學館，一齊邊玩邊學﹗