藝術同科學望落好似兩個截然不同嘅界別，但其實藝術創作同科學研究都離唔開創意。「創意交匯：科藝之橋」2025 由人嘅大腦出發，探索有關情緒、感知、學習嘅主題，以展覽形式展示跨界協作嘅成果。一齊嚟見證四位藝術家同兩位科學家喺幾個月嘅對話同交流後，激盪出嘅創意火花！展覽將邀請公眾重新理解觸動你每一條「神經」嘅感受背後。

除咗展覽，「創意交匯：科藝之橋」2025「想創你個腦」嚟緊都會舉辦公眾同學校工作坊，俾更多觀眾體驗藝術創作同科學研究背後嘅創意思維，想了解多啲嘅朋友記得留意我哋嘅社交媒體。

藝術家：姜立如、李彥錚、STICKYLINE
科學家：賴秀芸、林樂雯