精神健康議題係近年社會中嘅重大議題，大家嘅心理健康狀況亦都成為我哋要正視嘅問題。然而，好多人面對壓力嘅時候，都未必可以搵到一個途徑去表達自己內心嘅感受。其實，你嘅心聲同情緒，都可以透過音樂嚟抒發，將呢啲內在壓力轉化成滿滿嘅正能量！

為咗向大家宣揚精神健康嘅重要性，香港精神健康動力基金會特意舉辦「唱好精神音樂會2025」。我哋想透過音樂，去為大家創造一個充滿正能量嘅空間，鼓勵大家喺歌聲中釋放內在嘅壓力，幫助心靈打打氣！今年，我哋仲邀請到一位好有感染力嘅歌手-鄧小巧，除咗會即場獻唱，仲會分享佢嘅心路歷程！