今個星期六係香港導盲犬協會主辦嘅新界區賣旗日，今次籌款係為咗導盲犬同埋輔助治療犬嘅訓練同服務籌款，非常有意義！導盲犬唔單止喺日常生活引導視障人士，更係佢哋生活中最親密、最信任嘅夥伴。要成為一隻合格嘅導盲犬，背後其實需要經過非常嚴格嘅選拔同訓練。而 PopWalk 將會係賣旗義工嚟嘅其中一個地方！想慷慨解囊，買旗支持導盲犬嘅，一定要嚟 PopWalk 呀！

今次仲可以做線上捐款，滿額仲有以下禮遇：
．捐款滿 $100 或以上：獲贈金旗及精美文件套一份
．捐款滿 $599 或以上：獲贈 momax 紀念流動充電器 一部。
．捐款滿 $999 或以上：獲贈 紀念亮燈水晶球 一個。（數量有限，先到先得）

想做線上賣旗義工或者預先認捐金旗，可以點擊以下連結：https://flagday.guidedogs.org.hk