適逢今年馬年，始創中心喺新春特意準備咗豪華又夢幻嘅「旋轉木馬」主題佈置，將馬年象徵活力同躍進奔騰嘅氣勢展現出嚟，同時祝願各位新一年好似駿馬咁騰飛躍進，花開富貴，豐盛富饒！

一入到商場，就會見到一座金碧輝煌嘅嘅旋轉木馬裝置，四周被姹紫嫣紅嘅賀年花卉包圍住，兩匹雄姿英發嘅駿馬昂首奔躍，靚到好似置身於夢幻童話世界咁呀! 眼前一片繁花似錦既春日花海，望見都令人覺得朝氣滿滿，即時為新一年打開招來福氣嘅大門，好運一定源源不絶！成座旋轉木馬設計得極有心思，滿佈金光閃閃嘅立體浮雕，喺燈光效果下更加閃爍光芒，形成一片春日繁華錦繡、生機盎然的景象，令到成個商場都洋溢住無比歡悅與濃厚貴氣嘅新年氣氛。打卡影相，絶對一流呀!

仲有呀!始創中心更將創新科技融入傳統嘅許願池，特別設置投影「錦鯉祈福許願池」，你可以同活潑靈動嘅虛擬錦鯉玩互動遊戲，捕捉佢地所帶嚟嘅好運同祝福，玩完仲可以即時免費下載專屬許願符，幫你迎接新一年美好運程！

快啲帶埋你哋嘅親朋好友嚟始創中心打卡，迎接你嘅馬年好運啦！祝各位來年馬到功成，好運齊來！