今個3月一齊挑戰擔水步行啦！為響應全國節水推廣活動「節水中國行」，水務署聯同愛德基金會 Amity Foundation, Hong Kong 及 愛基金 合辦步行籌款，宣揚節水信息之餘，支援缺水地區建立淨水設施。參加者將肩負擔挑同水桶，沿中西區海濱長廊挑戰步行路線，體驗缺水地區嘅「撲水」生活，沿途可以飽覽維港景色！

活動亦設有嘉年華，當中包括水務署嘅攤位遊戲，分享慳水小知識兼送出精美禮物。呢次活動好玩又有意義，快啲報名參加啦！