14/2-22/2 ，年廿七至年初六，一連9日，SOHO MARKET將定於荃灣南豐紗廠 The Mills 1/F 走廊舉辦 [流量蜜馬新春市集］，市集圍繞情人節、年宵、新春主題嘅手工創作，同大家一齊歡度甜甜蜜蜜嘅馬年。

SOHO MARKET誠邀咗多位份量十足嘅單位助陣，希望引爆「流量蜜馬」！包括有由903DJ少爺占聯乘GREEN HOUSE 主理「即溶也能有高品質」嘅精品咖啡Treble Coffee；00後人氣YouTuber Hugh Cheung 囂張與TEEMTONE甜筒暉炮製嘅特色Gelato雪糕；法國藍帶廚藝餅師主理嘅創意甜點AW Patisserie；超爆紅手工麻糬專賣店麻糬鳥Mochi Tori；以富士山雜貨及精緻日式美食聞名嘅話題網店婆婆雜貨店及婆婆咖啡屋；以破格獨特嘅「梯平體」 作招牌嘅typing.jpg將即場手寫藝術感滿滿嘅賀年揮春；由西洋書法家Wendy Tang創立既時尚又實用人寵共融嘅玩具品牌Lambwolf Collective；獨立唱作歌手何佩HOPUI、陳鴻翔Mark Chan將合力打造《不如浪漫一次》嘅音樂表演；著名身心靈諮詢師夢妮坦將有開運快閃測字占卜療癒大家身心靈；狗主天花板麻利將聯同「愛領養」、「浪浪之家」及「愛狗同盟」主持毛孩領養活動。

此外，市集更有花藝擺設、布藝飾品、服飾首飾、香薰護膚、鈎織冷物以及寵物用品等逾50個創作單位，希望喺新春期間可以吸引目標受眾嘅眼球，刷新更多流量密碼！