三原色步行挑戰等你嚟KO！

唔理你係行山新手定係資深山友，今年4月12日一於同我哋一齊「Step Into Color」！由香港國際學校大草地出發，沿住大潭水塘靚景，用腳步為眼疾患者行出色彩人生！

路線自選挑戰

【3公里翠綠歡樂徑】全程平坦靚路，推住BB車都無難度！輕鬆打卡百年水壩＋湖景，最啱一家大細，新手Friendly！

【6公里碧水家樂徑】有返咁上下腳骨力？呢段微斜混凝土路保證你出身汗又唔會太Heavy！

【10公里火紅挑戰徑】山友必試！深入大潭秘境＋陡斜山路，終極全景視覺衝擊！終點仲有「三原色嘉年華」等緊你！

玩齊色彩遊戲、工作坊、舞台Show﹗仲有穿梭巴士往返中環碼頭﹗
快啲Tag埋你班Chill爆隊友，一齊行出色彩啦！