陪著你走「小Q慈善跑」現正接受報名

由我地協會主辦嘅 「小Q慈善跑」以「陪著你走」 為主題，會在2026年4月12日係粉錦公路以東的公園 (粉嶺高爾夫球場舊場) 舉行，宜家誠邀大家一齊身體力行支持一班導盲犬守護天使，為視障人士同有需要嘅人燃亮生命之光。

每一隻導盲犬都需要經過最少兩年嘅專業訓練，背後付出嘅汗水、心血同資源都非常龐大。由於協會一直堅持免費提供導盲犬予視障人士，喺冇政府資助下，非常需要大家支持，等更多狗狗可以投入服務，燃亮他人生命！

活動同場仲有人寵共融嘉年華 ，當中設多個遊戲攤位，最啱一家大細同一眾毛孩一齊放電！另外現場更提供專業毛孩體檢服務 ，香港城市大學動物健康與福利中心將會為參加「人寵跑」嘅毛孩提供免費身體檢查，各位主人唔好錯過呀！

所有參加者仲可以拎走一系列豐富紀念品：

- 小Q坐肩導盲寶寶

- 紀念 T-shirt

- 紀念環保袋

- 完成獎牌

- 活動毛巾