惜食堂15週年 第一屆「惜食堂全城 HUNGER HUNT」定向挑戰接受報名！

食堂多年來堅持「停止浪費、解決飢餓、以愛相連」，適逢今年成立15週年，誠邀大家一齊走入社區，身體力行將愛傳遞畀更多社會上有需要嘅人士！

今次定向挑戰區域橫跨灣仔、中西區及東區，起點同終點都設於 利園商場三期，參加者需要喺 2 小時內，規劃最快路線去到唔同檢查點打卡得分！挑戰分兩大組別，適合不同人士參加：

競賽組： 適合向難度挑戰嘅跑手，分數隨距離同難度變動，方向感、策略及體力缺一不可！
繽紛組： 呢組設有「體能任務」同「奪分任務」，最啱一家大細或者公司同事一齊玩。特別設有 #三代同堂組，帶埋爺爺嫲嫲、公公婆婆一齊出動行大運！

所有參加者都可拎走豐富選手包：紀念T恤、號碼布、紀念襟章、運動水樽、索繩袋及紀念毛巾。

額外捐款額達港幣$3000 (報名費不計算在內) 可獲限定禮品：旅行收納袋套裝、餐盒/餐具、眼鏡袋及眼鏡布