想喺繁囂嘅鬧市中脫離急速嘅生活節奏，親親大自然！？ 今個復活節，始創中心為你帶嚟一片城市綠洲，由即日起至4月12日期間舉行「萌寵奇兵嘉年華」活動，等你唔使攀山涉水都可以輕鬆展開一場生態探索之旅！

「萌寵奇兵生態展」

展覽集結咗12款珍稀又多樣化嘅兩棲爬蟲動物同大家見面！你可以近距離欣賞到亞達伯象龜、七彩變色龍以及白化綠鬣蜥等二級瀕危動物，發掘大自然嘅奧秘，了解佢哋嘅獨特生活習性！

「萌寵奇兵同樂日」

FUN享卡會員憑指定積分或消費仲有機會同呢班萌趣小奇兵「零距離接觸」添！喺專業人員指導下，佢哋會同你小互動兼乖乖哋俾你感受獨特嘅皮膚質感，仲可以一齊合照記錄低呢個難忘時刻！

「萌龜爬行挑戰賽」

比賽將分為輕量級、中量級及重量級舉行，想知唔同體型嘅萌龜點樣施展渾身解數，爭奪冠軍寶座？咁就一定要嚟現場參與，感受一下熾熱嘅比賽氣氛喇！

「愛心慈善義賣日」

香港兩棲及爬蟲協會將舉行慈善義賣活動。每一份支持同善款，都將直接轉化為實際行動，資助動物保育教育工作，提升大眾對生態多樣性嘅認識與保護意識。咁有意義嘅活動大家一定要嚟現場支持哦！

「彩蛋夾夾樂」遊戲

始創中心亦特別送上精彩嘅消費獎賞同大家歡度復活節。FUN享卡會員憑1,200積分或單一消費滿港幣100元，就可以參加，有機會贏取豐富嘅復活節精選禮品，保證滿足大家吃、買、玩嘅全面需求！

約定你，今個復活節，一齊嚟始創中心展開獨一無二嘅生態探索之旅啦！