Update 16/3/2026:

上個月巡禮第一站，我哋去咗中環海濱，收集咗唔少巿民同遊客對海濱餐飲嘅意見好開心見到大家支持參與工作坊同享用免費小食今次我哋將美食熱潮帶到北角東岸板道同尖沙咀海濱希望多多收集大家對海濱餐飲嘅意見。完成問卷，就可以免費享用街頭小食（包括麥芽餅、砵仔糕、糖蔥餅等） 同特調飲品。而今次工作坊會繼續有港式奶茶製作，同新推出嘅麵粉公仔DIY，俾大家認識傳統文化。現場仲會有唔同街頭表演㖭，大家到時多多支持～

除咗以上基本小食，完成問卷仲會派發專為寵主同毛孩可共享滋味嘅風乾海鮮美食包同 nodi coffee ，配合東岸板道「人寵共融」嘅特色，同好快會同大家見面嘅咖啡店

【第二站】北角東岸板道近電照街遊樂場

街頭表演：面部彩繪、快速人像畫！

【第三站】尖沙咀香港文化中心露天廣場
 街頭表演：人氣單位俊傑與姚寳現場獻唱，動聽金曲伴隨維港海風～

 免費工作坊：
－ 港式奶茶體驗：由茶師親授沖茶撞奶秘訣
－ 麵粉公仔DIY：親子手作傳統藝術

想參加工作坊記得預先上網登記 （網址：https://forms.gle/mpimecLXNSPmZo5P9 ）

一連三場海濱美食巡禮！ 完成問卷可免費獲街頭小食同飲品！

早前我哋介紹過喺灣仔海濱嘅兩個餐飲攤檔嚟緊我哋會陸續喺其他海濱增設更多餐飲設施。為咗更了解巿民同遊客嘅期望同收集意見，我哋將會舉辦一連三場期間限定嘅「海濱美食巡禮」。參加者完成問卷調查，就可以免費享用咖喱魚蛋、燒賣、啄啄糖、麥芽糖夾餅、砵仔糕、奶茶、檸茶等多款街頭美食，現場仲有buskers演繹經典金曲㖭。

同場仲有免費工作坊：
港式奶茶製作工作坊 —— 免費學沖正宗絲襪奶茶
糖畫工作坊 —— 親手體驗傳統糖藝製作樂趣

想參加工作坊嘅朋友，記住預先去呢個網頁登記，費用全免！活動當日參加者先完成問卷，跟住就可以參加工作坊㗎啦！名額有限，先到先得
https://forms.gle/uC2K6UHZFLASP2wh6