機場島春日花海一浪接一浪～今次嘅主角係杜鵑花

今個周末起至下星期，機場杜鵑小徑將迎嚟盛放時刻，紫紅、粉紅、純白色嘅杜鵑花層層交織成花海，將機場古物園變成優雅春日花園。嚟到散步、野餐、做運動，定係純粹打卡影靚相，都可以感受到滿滿春日浪漫！

前往方法：
乘搭前往機場方向 E 線巴士，喺國泰城或國泰城（東）站落車，然後向香港國際機場古物園方向，沿東岸路及駿群路前行。
或者乘搭 S1 線 S 巴士，由東涌港鐵站或機場出發，喺飛機燃料庫站落車。