九龍城寨街坊福利會：山林道啟市大典，連擺三晚入寨狂歡！

各位街坊、各路夜鬼，收風啦！
城寨正式啟市，強勢殺入尖沙咀山林道！為咗賀一賀呢個新竇，福利會總理決定搞單大嘢——連踩三晚嘅「啟市大典」！入嚟城寨，我哋唔收陀地，街坊免費入場。呢三晚，放低你所有包袱，一齊做個冇規矩嘅自己。三大傳統儀式，三晚唔同 Vibe，任你揀邊日落嚟踩場：MAY 16 (六)｜第一夜・神功戲
特邀班主：DJ SHO & KERRY
唔做大戲，我哋玩電音派對！用最重嘅 Bass 當鑼鼓，全場喪跳狂歡，誓要炸旺山林道！MAY 17 (日)｜第二夜・開香堂
揸香堂主：HEIDI
跳到攰？今晚校暗啲燈，喺煙霧瀰漫之下深夜圍爐，最啱班兄弟姊妹摸杯底傾密偈。MAY 18 (一)｜第三夜・飲福宴
龍城釀手：LIZ
壓軸登場，匠心特調！飲過福利會嘅十全大補福酒，包你逢凶化吉，大家舉杯同樂，不醉無歸。大門已開，最識玩一定係連踩三晚攞盡福利！位就真係唔多，即刻 DM 留枱，遲咗就企喺街外聽聲啦！