各位爸爸媽媽，諗好今年暑假帶小朋友去邊度玩未？快啲揀幾個「國際綜藝合家歡」嘅精選舞台演出同活動啦！今年7至8月，嚟自世界各地同本地嘅精選演出，都必定會令小朋友睇得開心，大人搵返童心

首先登場嘅海外節目，帶你一秒衝破地心引力！英國動感舞蹈團《出發！星星太空人》以舞蹈結合空中雜技，將舞台變成浩瀚太空！

緊接登場同樣精彩

加拿大魔動劇團《魔法小樹窩》為1至3歲寶寶打造溫柔又奇妙嘅藝術初體驗；

韓國格蘭迪劇場音樂劇《小小音樂家之破冰奇遇》，用歌聲展開一段拯救冰封地球之旅；

西班牙阿拉卡拉舞團《遊戲時間，到！》以搞怪嘅造型同創意舞蹈帶來連連驚喜；

英國小甘筍製作《啤啤熊童話音樂會》以現場音樂同動畫帶大家走進暖心嘅童話世界。

本地節目同樣唔可以錯過！當中包括南音劇場《小希的逍遙遊》、音樂劇《仰望翱翔時》以及兒童歌劇《愛麗絲夢遊仙境─鏡中奇遇再敍新篇》。

另外仲有電影節目、親子工作坊同後台導賞，全方位滿足大人小朋友嘅好奇心！