Update 8/6/2026:

好消息！我哋決定加開一場！

由香港太空館同電影節目辦事處聯合策劃嘅三場「夏日親子電影節」球幕電影同映後活動，門票一開售就火速售罄為答謝大家嘅熱烈支持，我哋特別加開一場！門票將於6月16日（星期二）上午10點喺城市售票網發售，記得校定鬧鐘喇

----------

今個暑假，一於同貓咪們組隊，探索太空站！

香港太空館今年再次聯同電影節目辦事處策劃「夏日親子電影節」球幕電影同映後活動，繼續為大朋友同小朋友帶嚟開心刺激嘅晚上。

第一站，大家會喺天象廳欣賞球幕電影《機智貓漫遊太空站》。一齊跟住貓咪們同佢哋嘅新朋友，登上廢棄嘅太空站探險。佢哋仲會遇到一個被遺下嘅AI機械人。究竟大家可唔可以活用科學知識，完成任務，幫助機械人達成夢想呢？

睇完球幕電影之後，大家會去演講廳參加映後活動「漫遊太空站」。太空館助理館長會用簡單有趣嘅方式，同各位一齊探索太空站嘅科學奧祕。座位有限，快啲買飛喇！