一講驚蟄第一時間就會諗起去鵝頸橋打小人，不過又知唔知仲有咩習俗同埋又有咩意思呢？從天文學同中醫角度上會點講🧐原來打小人唔係好似睇戲咁惡毒～口訣都會隨時代而變化～

驚蟄係廿四節氣𥚃面嘅第三個節氣，亦係全年氣溫回升最快嘅一日👩🏻‍🏫而驚蟄嗰日多數都會落雨同埋平均氣溫🌦喺中國中北部嘅大部地區當日仲會行雷閃電添⛈係香港就要到清明先會行雷⛈

由於驚蟄係全年氣溫回升最快嘅一日，即係天氣變得好快😵‍💫容易病啦😷要做好預防「春燥」養身，同埋係護肝嘅好季節！可以食多啲滋潤嘅嘢，例如梨、雪耳、蔗呢一類嘅食物～

驚蟄禁忌

・不宜嫁娶

相傳驚蟄結婚會被雷公拆散，因此有驚蟄嫁娶淚汪汪，雷打鴛鴦各一方嘅講法

・避免談判同簽約

驚蟄小人同害蟲多，談判簽約恐會有損失，亦容易有官司發生

・避去山區森林

驚蟄萬蟲出沒，因此避免去山區森林以免蚊叮蟲咬

打小人由來與習俗

打小人習俗由農業社會興起，相傳只要喺驚蟄當日拜祭百獸之首白虎就可以鎮壓害蟲，仲可以驅除百邪千害添～而打小人係祈求「冬去春來新一年可以風調雨順，農耕豐收，遠離小人並希望有貴人扶持。」 聽鵝頸橋紅姑講拜觀音就唔可以咁惡毒，趕走啲小人就可以啦，唔需要下下趕盡殺絕嘅，所以佢打小人嘅口訣並非網上面見到～

打小人注意事項⚠️ ・盡量都唔好指名道姓 ・唔好抱住害人嘅心

打小人步驟

・係衣寶上寫上姓名同出生年月日

・在小人衣紙上寫上小人稱呼（八方小人、身邊小人、是非小人）

・點香拜觀音

・師傅讀口訣，打小人衣紙

．上香

・將打爛嘅小人衣紙放入祭白虎，然後燒咗佢

・師傅拎出百解符點火轉一圈，寓意消災

・師傅再拎出貴人衣紙先拍拍手帶福帶運返屋企，再點火轉一圈，寓意招財招福

・最後擲筊，最多三次機會，要出現一下一上嘅聖杯。如果超過三次都未有聖杯，而係兩個向上嘅笑杯或者兩個向下嘅陰杯，就要可以考慮要唔要打多次

打小人口訣（網絡及坊間流傳）

打你個小人頭，等你有氣冇訂抖

打你個小人面，等你成世都犯賤

打你隻小人眼，等你考試零雞蛋

打你隻小人耳，等你銀紙當草紙

打你隻小人嘴，等你有女冇得追

打你隻小人肚，等你日日比人告

打你隻小人手，等你有錢唔識收

打你隻小人腳，等你有鞋冇得著

打你個小人頭，打到你有氣冇埞唞。打你個小人腦，打到你成世乜都無。

打你個小人額，打到你一世冇發達。打你隻小人眼，打到你成日都撞板。

打你隻小人耳，打到你做人冇大志。打你個小人口，打到你成日係咁嘔。

打你個小人鼻，打到你索嘢無晒味。打你個小人腮，打到你成世無飯開。

打你排小人牙，打到你有飯唔識扒。打你條小人脷，打到你要去做娼妓。

打你個小人喉，打到你一世冇自由。打你條小人頸，打到你瞓到唔知醒。

打你個小人肩，打到你跑馬係咁先。打你個小人胸，打到你成世無老公。

打你個小人心，打到你去見葉利欽。打你個小人肝，打到你成日心慌慌。

打你只小人脾，打到你唔敢番屋企。打你個小人肺，打到你冇錢交學費。

打你個小人腎，打到你成世行衰運。打你個小人膽，打到你相眼唔識眨。

打你個小人肚，打到你飲水嘔白泡。打你條小人腰，打到你聽日發高燒。

打你個小人胃，打到你見人就要跪。打你條小人腸，打到你放屁特別響。

打你個小人肛，打到你賭錢輸清光。打你層小人皮，打到你唔死就出奇。

打你隻小人手，打到你有嘢唔識偷。打你隻小人腳，打到你有鞋唔識著。

中英對照版

打你個小人頭 

Beat your little head

打到你成世無出頭

your work never go ahead

打你隻小人眼

Beat your little eye

打到你成世都撞板

very soon you die

打你個小人耳

Beat your little ear

打到你聽力鬼咁屎

You will not listen clear

打你個小人口

Beat your little mouth

打到你有氣冇碇唞

you always have bad result

打你隻小人手

Beat your little hand

打到你運氣通通走

your luck come to the end

打你隻小人腳

Beat your little foot

打到你冇鞋挽屐走

everything is not good