唔知道你哋有冇人發現每年嘅復活節嘅日子都唔一樣🧐復活節必定係星期日,而耶穌受難日必定係星期五，不過就會有時三月尾有時四月頭～

原來係以「春分」滿月後嘅第一個星期日定為復活節，而諗出呢個方法嘅人就係嚟自英國嘅修道士比得（Venerable Bede），不過，大家要留意返計算復活節嘅「春分」同「月圓」係同二十四節氣嘅計算方法唔一樣嘅👩🏻‍💻計算復活節嘅「春分」同「月圓」係根據天主教教會嘅曆書作準，而「春分」係固定咗喺3月21日，「月圓」就係中國農曆嘅十四～

「春分」由來

「春分」係指陽光直射赤道嘅日子。當天嘅日頭同夜晚幾乎係一樣長，而「春分」之後，北半球嘅地方就會開始日長夜短～不過由於各類曆法（儒略曆、格里曆、希伯來曆、伊斯蘭曆）所計算出嚟嘅「春分」都有所不同，計算結果出現喺3月20日至3月22日之間🗓️所以領袖就喺尼西亞會議內提出規定3月21日為「春分」。

每年西曆的3月21日後第一個月圓出現後嘅星期日就係復活節啦～不過如果月圓當日咁啱係星期日嘅話，則會順延一星期。所以復活節嘅範圍會喺3月22日至4月25日之間，取決於該月份月圓嘅日子🌕所以每年嘅復活節都唔一樣🐣而耶穌嘅受難日就係復活節前嘅星期五啦😇

耶穌受難日叫GOOD FRIDAY

歷史就要從13世紀講起，「好」亦有「聖潔」嘅意思，基督徒認為無其他理由更改名字，因為無一天比救主為世人嘅罪而死嘅呢一天更適合。喺耶穌受難嘅時候，基督徒認為神寬恕咗世人。所以以「好」一詞慶祝呢一個得到救贖嘅日子～對於無宗教信仰嘅人嚟講，呢一天就同其他任何公眾假期一樣係個GOOD DAY～

復活蛋同白兔

最初相傳古巴比倫人會利用蛋嚟祭拜曙光女神，後嚟習俗傳至西歐地區。西歐人認為蛋係有兩次生命，第一次係誕下嘅時候象徵「新生命開始」，第二次係破殼而出嘅時候，象徵「重生」即係復活嘅意思🐣

而圖案方面：十字形象征耶穌被釘十字架、八角形象征古代太陽神同時都可以耶穌基督，三角形比喻基督教三位一體。另外，「白兔」係象征和平與愛，同埋歡樂嘅意思🐇

圖片及資料來源：網上圖片、 以色列美角、香港天文台、香港地下天文台、中華傳道會紅磡基督教會 、德蘭中學