【timable知多啲｜佛誕同時又稱為浴佛節🪷 不過你哋知唔知佛誕嘅故事？浴佛又係咩意思？】

佛誕係慶祝釋迦牟尼佛嘅生日🎂同時又稱為「浴佛節」、「灌佛會」、「龍華會」、「華嚴會」、等。而喺香港呢一日就係農曆四月初八🪷不過由於喺佛教上面都分咗唔同嘅派別，所以日子上都會有少少分別🤏🏻而今年香港都有唔同大大小小嘅機構舉辦咗各類型嘅活動俾大家參與，可以從活動中更加了解佛誕甚至佛學📿大家都不妨去睇吓，抄吓經，淨化心靈🧘🏻‍♀️

漢傳佛教

中國漢傳佛教係訂為農曆四月初八

日本嘅佛教係傳承自中國嘅漢傳佛教，不過明治維新後就改為公曆四月八日。

佛誕日為藏曆四月初七，同月嘅十五日係佛陀成道同埋涅槃日。

佛陀嘅誕生、出家、成道、涅槃係定同一日稱為「衛塞節」，日期係印度曆法吠舍佉月後半第十五日，即係泰國陰曆的六月十五日，大約係西曆嘅五月，農曆嘅四月十五日。而馬來西亞同埋新加坡嘅衛塞節都係定係農曆四月十五。喺北傳佛教就將農曆四月十五日定為「佛吉祥日」或「佛顯日」，認為釋迦牟尼佛喺出生七日係顯示祥瑞，且佛陀母親摩耶夫人生天，通常與佛誕合併慶祝，唔會獨立慶祝。

佛誕
釋迦牟尼佛出生於南尼泊爾嘅藍毗尼，係迦毗羅衞國嘅太子，原名悉達多太子，當時嘅國王係淨飯王，王后係摩耶夫人。2600多年前摩耶夫人喺藍毗尼花園嘅無憂樹下休息嘅時候誕下咗悉達多太子，仲行咗七步，每一步腳下都會生一朵蓮花🪷然後就一手指天，一手指地，講咗一句「天上天下，唯我獨尊。」，之後就變返一個普通嘅BB👶🏻

浴佛
相傳佛陀誕生於人間嘅時候有九條龍喺天上以甘露水沐浴佛身，所以後世就每逢佛陀誕辰之日，舉辦浴佛法會，表達眾生對佛陀誕生嘅慶祝，祈求清淨吉祥。同時提醒自己係時候洗滌心中嘅污垢同煩惱，令我哋嘅內心得以清淨與安寧，進而提昇生命嘅層次，而得自在解脫。

希望藉此活動可以令眾生反思過去，或者係時候學識斷捨離💖

網上浴佛
・雙手合十，稱念「 南無本師釋迦牟尼佛」三遍
・請按鍵以三瓢香湯灌沐太子佛像，觀想同時洗滌心中塵垢。
・默念《浴佛偈》
  我今灌沐諸如來
  淨智莊嚴功德聚
  五濁眾生令離垢
  同證如來淨法身

・願以此浴佛功德，迴向世界和平、人民安樂。
Link:https://www.hkbuddhist.org/zh/page.php?cid=1&scid=113