E-kids AGAIN 2018演唱会海外首站---澳门站正式确定！！！ 容许我地写多小小野，收到呢个消息，我地三子真係好开心, 公司决定将我哋呢个演唱会, 由旺角拎去澳门开！虽然有好多唔同嘅Artist都喺澳门开过演唱会, 对佢地嚟讲，无乜大不了。但係对E-kids嚟讲，呢个绝係一个歷史性的时刻！ [人哋嘅一小步, 我哋呢一大步] 。大家都知道E-kids其实重组咗唔係好耐, 大概一年半嘅时间, 我哋先后喺香港麦花臣开左2次演唱会, 相信喺搞呢两个演唱会之前, 都冇乜人认为我地会有机会可以重组到, 甚至仲可以开到演唱会。但係我地抱住Ekids精神，打不死精神, 香港人精神，我地相信只要我地做好我地的事, 就一定有人睇到。 3XL演唱会，大家对《终止恋爱》嘅反应，年头嘅两场show，都帮我地打左好大枝强心针。我地都估唔到可以喺香港之外, 仲有喺海外开演唱会的机会，再一次多谢大家嘅支持！ 既然我地决定继续追呢个梦，就会追到底，哪怕过程会焦头烂额，所以我地喺度希望您地会继续陪我地打呢场仗，由MK打去澳门，澳门打去大陆，大陆打去美加...我地三子会继续令大家---估你地唔到！！！ 希望到时会见到每一个你，妳，您！ 公开发售座位表：