杨千嬅今年啟动《MY TREE OF LIVE世界巡迴演唱会》，星马、内地场场爆满，转眼间已经唱到第17场，刚刚又完成了多伦多、康州、拉斯维加斯、马里兰州四个地方的演出，今日又宣佈2024年2月14-15日于澳门银河综艺馆继续开骚，势如破竹，成绩极佳。 美加之行千嬅更带妈咪一起出发，工作之余，尽孝道带妈咪去食好嘢、又同丁生重遊当年于拉斯维加斯先斩后奏注册结婚的小教堂，让妈咪感受一下两人当年的《勇》。 千嬅表示，2019年去过美国演出之后，就已经4年未去过，拉斯维加斯也改变了不少，很多新科技、新的骚很精彩，此行非常开心很多朋友都是为了看她演出，开几个钟车来，观众的反应热烈，令她感到很是温暖，「每一场演出都似大形KTV咁，首首歌都大合唱，真係好劲呀班观众，好多谢佢地咁支持。」 工作之余，她亦有带妈咪一齐去玩，看魔术表演、去了新地标Sphere睇骚，「我妈咪劲呀，佢时差都搞得掂，仲精灵过我。去到当年我同丁生注册个小教堂，因为当年注册妈咪无係现场，我咪讲番当时情况，同啲小故事比佢听，佢都听得好开心。」回想当年同丁生去旅行期间，突然注册结婚，那一刻的《勇》，千嬅谓真的改变了自己整个人生，「依家谂返，由一个人变两个人，再变三个人，人生其实很多事个天都安排好，跟住命运带俾你的流水向前行， 你就神奇地行左个人生出来㗎啦，哈哈。第日放假，我谂住再带囝囝来，再同佢讲当年Daddy，妈咪故事。」 美加之行，千嬅谓丁生这个管家，管住她的饮食，但她也食了这一年最多的淀粉质，「芝士、汉堡，Pizza，意粉，几乎日日食，丁生最叻係每到一个地方，就问家晒朋友，有咩最好食一定要食，带晒大家去，去到就係咁叫好嘢，但係就剩係管我一个，次次都话你唔好食咁多...比佢激死。我梗係唔理佢啦，不过今次食多左，咁返来就要还，开始又节制多啲啰，因为之后过年係澳门开骚，过年你知咁多好嘢食，依家减定，留多些quota过年个阵用，哈哈。同埋都要保养下把声，唱左十七场，明年巡迴继续，要保持一个好体能。」 是次澳门，千嬅选在2024年2月14-15日开骚， 年初五开第一场，「我未试过农曆年做骚，仲係情人节，都几开心，以往过年多数係一家人去旅行，今次就终于係香港过年，再带埋家人过澳门睇骚兼一齐玩啰。情人节开骚觉得好好，人大个左就唔係剩係谂情人得两个人，呢啲日子，愈多朋友愈好愈开心，又可以见下fans，我都好期待。」