三大惊吓区，包括与香港着名电影美术指导张蚊联手打造的灵异解谜鬼屋

「心寒片场」灵异解谜鬼屋

新濠影滙邀请香港着名电影美术指导张蚊联手，令你置身喺《恐惧斗室》、《咒》、《鬼修女》等经典电影场景，挑战者要同鬼屋内嘅角色互动解谜，例如一齐打「归西麻雀」、将符咒贴喺彊尸头部，限制佢哋嘅活动⋯⋯ 恐怖电影粉丝必玩！

「血压升降机」

觉得鬼屋都仲未够恐怖？自问大胆嘅你一定要玩埋血压升降机！喺密闭嘅环境中，你只可以不断担惊受怕，狭小嘅空间狭小令你感到无法逃脱，即使𨋢门打开，仍然会有未知嘅恐惧等紧你！记住一出𨋢就要拼命逃跑啊！！

「孖鬼轮迴」摩天轮

澳门特色「影滙之星」 8 字形摩天轮将于活动期间特设 5 个万圣节车厢，当中有 2 个为猛鬼特别版，等你喺约 20 分钟嘅空中之旅尽情尖叫！自问比较细胆嘅朋友可以去另外 3 个可爱搞鬼车厢，同大型Q版南瓜、鬼鬼、蝙蝠尽情打卡～

万圣节都唔一定要吓餐死嘅！新濠影滙亦为大家打造其他老少咸宜嘅万圣节活动，等唔同人都可以感受到节日气氛。你可以参加「Chill萌哗鬼派对」，同鬼怪演员互动，一齐玩摊位遊戏，得到万圣节造型扭扭气球！当然唔少得攞住指定糖果袋遊走全场，去指定地点「Trick or Treat」！场内6米高嘅巨型南瓜装置仲会定时喷出大量色彩缤纷嘅糖果，小朋友见到一定超开心！最后一定要玩埋彩绘南瓜工作坊，将今年过大海获得嘅万圣节喜悦带返屋企～