03/09/2017 Update 因受近日風暴影響，Our Sanrio Times決定將展期延長至10月8日！所有原本有效期至9 月3日的門票仍可使用。由9月4日至10月8日，展覽開放時間會改為：上午十一時至下午七時，有關詳情可參閱Our Sanrio Times Facebook www.facebook.com/oursanriotimes ，敬請留意

---

女孩子們準備好要暴走澳門喇！Sanrio由1960年成立至今，原來已經推出超過400個卡通人物！家傳戶曉的Sanrio家族成員，又豈止可愛的Hello Kitty一個，其餘300多個成員，你又對他們的認知有幾多？一向於暑假創製大型慶典活動的Sanrio香港今年選址澳門，將於7月28日至9月3日假澳門新濠影滙8號轉播廳，舉辦全新主題 「Our Sanrio Times」展覽，同大家懷緬下童年時光﹗ 這次展覽由Sanrio香港授權、澳門陽光人生發展促進會及澳門玩樂盛事促進會主辨，並由澳匯展覽有限公司及INNODUCTION CO., Ltd. 協辦。展覽共有15個主題場景，宜家帶大家率先睇下展覽入面有咩玩有咩睇： Sanrio時光隧道 一系列由70年代到現在誕生的100個SANRIO家族成員繽紛拼貼，由Sanrio家族帶大家進入回憶寶庫。 毛公仔世界 呢個係展覽重點之一﹗除咗有3.5米高的超巨型Hello Kitty，仲有展示100個Sanrio家族成員，共超過2,000個毛公仔嘅隧道﹗呢度每個角度影都好似有一大埋公仔圍住你，唔自拍番10張都對唔住自己﹗ 公仔紙變變變 一張張放大嘅公仔紙湧現童年時代與好朋友一同玩摺紙公仔嘅開心回憶。大家一同為Kiki 及 Lala紙公仔變出不同的造型吧！ 懷舊文具屋 童年回憶必定包括青蔥的校園歲月，大家也一定曾經擁有Sanrio推出的文具產品。在懷舊文具屋內，林林總總的Sanrio經典文具系列將放大呈現，重點是會展出一系列7、80年代出產的文具，必定令Fans勾起快樂記憶。 手繪展覽室 Sanrio日本總部借出近40幅7、80年代不同character的彩色手繪，加上9幅由日本設計師為展覽全新親筆繪畫，全部都具有欣賞價值﹗ 睇完展覽就緊係要買紀念品啦﹗首輪會場限定商品將於7月 28日起與大家率先見面，一系列如會場限定手機殼、行李箱貼紙套裝、隨身充電器、帆布袋等商品將會率先登場，而會場限定商品店設於展覽場內，只限入場人士選購，各位Sanrio粉絲萬勿錯過﹗ 首輪限定商品購買詳情 日期: 由7月 28 日起 地點:「Our Sanrio Times」會場限定商品店 可用現金或信用卡付款 (Pompompurin DIY上色石膏公仔套裝只收取現金) 第二輪限定商品重磅加推 承接第一浪搶購熱潮，「Our Sanrio Times」將於8月 10 日起重磅加推第二浪全新會場限定商品。為讓粉絲可率先訂選他們的心頭好，大會更貼心地推出預購活動，滿足各位Sanrio粉絲的熱烈需求﹗ 日期: 由8月10日起 地點:「Our Sanrio Times」會場限定商品店 可用現金或信用卡付款 (Pompompurin DIY上色石膏公仔套裝只收取現金) 換領獨家「Our Sanrio Times」限定特別版貼紙 每位粉絲更可憑預售門票到現場換領一套「Our Sanrio Times」獨家限定特別版貼紙。每套各有五張，配以四款的指定組合，以隨機方式送贈一眾Sanrio粉絲。 換領獨家「Our Sanrio Times」限定精美磁貼 為答謝粉絲大力支持，只要在會場限定商店購物滿$200商品即可隨機換領一款「Our Sanrio Times」獨家限定精美磁貼，款式更多達100款﹗