E-kids AGAIN 2018演唱會海外首站---澳門站正式確定！！！ 容許我地寫多小小野，收到呢個消息，我地三子真係好開心, 公司決定將我哋呢個演唱會, 由旺角拎去澳門開！雖然有好多唔同嘅Artist都喺澳門開過演唱會, 對佢地嚟講，無乜大不了。但係對E-kids嚟講，呢個絕係一個歷史性的時刻！ [人哋嘅一小步, 我哋呢一大步] 。大家都知道E-kids其實重組咗唔係好耐, 大概一年半嘅時間, 我哋先後喺香港麥花臣開左2次演唱會, 相信喺搞呢兩個演唱會之前, 都冇乜人認為我地會有機會可以重組到, 甚至仲可以開到演唱會。但係我地抱住Ekids精神，打不死精神, 香港人精神，我地相信只要我地做好我地的事, 就一定有人睇到。 3XL演唱會，大家對《終止戀愛》嘅反應，年頭嘅兩場show，都幫我地打左好大枝強心針。我地都估唔到可以喺香港之外, 仲有喺海外開演唱會的機會，再一次多謝大家嘅支持！ 既然我地决定繼續追呢個夢，就會追到底，哪怕過程會焦頭爛額，所以我地喺度希望您地會繼續陪我地打呢場仗，由MK打去澳門，澳門打去大陸，大陸打去美加...我地三子會繼續令大家---估你地唔到！！！ 希望到時會見到每一個你，妳，您！ 公開發售座位表：