闊別五年，保良局慈善跑終於返嚟喇！嚟緊將會喺2025年1月11日(星期六) 喺保良局賽馬會北潭涌度假營舉行。除咗同以往一樣有半馬拉松、十公里同三公里賽事，今次仲新增咗「親子追蹤遊」。完成賽事後，參加者可以投入「奔Fun嘉年華」盡玩保度假營入面嘅各項玩樂設施、創意藝術攤位同埋留影區等。適合一家大細、青少年同埋鍾意運動嘅你，齊齊遠離煩囂，享受大自然嘅難忘時光！

而家長可以帶埋仔女(3歲或以上)參加「親子追蹤遊」，透過地圖提示，穿梭大自然，一家人通力合作完成大大小小嘅任務，認識度假營入面各式各樣嘅生態環境，並置身紅樹林、泥灘以及樹林之中，體驗大自然嘅力量。每位家庭組參加者可獲發獎牌、感謝狀以及可持續發展目標徽章以示鼓勵。

而家已經可以報名，快啲率先預留名額啦！