三大驚嚇區，包括與香港著名電影美術指導張蚊聯手打造的靈異解謎鬼屋

「心寒片場」靈異解謎鬼屋

新濠影滙邀請香港著名電影美術指導張蚊聯手，令你置身喺《恐懼鬥室》、《咒》、《鬼修女》等經典電影場景，挑戰者要同鬼屋內嘅角色互動解謎，例如一齊打「歸西麻雀」、將符咒貼喺彊屍頭部，限制佢哋嘅活動⋯⋯ 恐怖電影粉絲必玩！

「血壓升降機」

覺得鬼屋都仲未夠恐怖？自問大膽嘅你一定要玩埋血壓升降機！喺密閉嘅環境中，你只可以不斷擔驚受怕，狹小嘅空間狹小令你感到無法逃脫，即使𨋢門打開，仍然會有未知嘅恐懼等緊你！記住一出𨋢就要拼命逃跑啊！！

「孖鬼輪迴」摩天輪

澳門特色「影滙之星」 8 字形摩天輪將於活動期間特設 5 個萬聖節車廂，當中有 2 個為猛鬼特別版，等你喺約 20 分鐘嘅空中之旅盡情尖叫！自問比較細膽嘅朋友可以去另外 3 個可愛搞鬼車廂，同大型Q版南瓜、鬼鬼、蝙蝠盡情打卡～

萬聖節都唔一定要嚇餐死嘅！新濠影滙亦為大家打造其他老少咸宜嘅萬聖節活動，等唔同人都可以感受到節日氣氛。你可以參加「Chill萌嘩鬼派對」，同鬼怪演員互動，一齊玩攤位遊戲，得到萬聖節造型扭扭氣球！當然唔少得攞住指定糖果袋遊走全場，去指定地點「Trick or Treat」！場內6米高嘅巨型南瓜裝置仲會定時噴出大量色彩繽紛嘅糖果，小朋友見到一定超開心！最後一定要玩埋彩繪南瓜工作坊，將今年過大海獲得嘅萬聖節喜悅帶返屋企～