【女小T私心推介】春日护肤小贴士

作者: Timable, 2017年3月28日 (二) 下午2时38分

最近天气开始热,周不时又会落雨,敏感嘅小T知道,春天差唔多要嚟喇!正所谓「一年之计在于春」,想皮肤喺嚟紧呢年变得靚靚,不妨由呢一刻做起!而家就等小T醒几个春日护肤小贴士畀大家啦~


1. 彻底卸妆
香港春天又闷热又潮湿,皮肤亦比平时容易出油。如果同小T一样系敏感肌就仲惨,卸妆一唔干净就会出晒粒粒,真系见到都唔开心!所以话,一支好嘅卸妆喺春天系唔可以缺少!好似LA ROCHE-POSAY嘅呢支温泉舒缓低敏卸妆洁肤水咁就为之高效洁净喇!


除咗卸妆,渠仲可以有效去除PM2.5污染微粒,同时保护敏感肌,增加水润感。而且0香料、0酒精同0防腐剂,日日用都唔怕啦~

2. 帮皮肤补水
上文提过,春天皮肤容易出油,所以你要做嘅就系畀皮肤饮饱水~保湿做足,肌肤望落都通透啲啦!
呢支SkinCeuticals嘅H.A.塑颜饱满紧致精华唔单止帮你补水,仲补埋透明质酸!


渠会帮你增加皮肤透明质酸嘅含量,从而达到长时间嘅持续补湿效果!用耐咗,幼纹都少啲呀!

3. 做好防晒
春天太阳虽然唔算好猛烈,但系紫外线高到吓亲!所以要防晒,就要由春天开始做起,咁先唔会不知不觉晒黑㗎~


4. 从内去湿
外就要保湿,但系内就要去湿!有冇发觉自己一到春天就会好易攰,成个人都好重咁吖?咪就系因为湿气重啰!得闲饮下啲去湿汤,个人都精神啲,皮肤睇落都好似光亮啲啦!小T就饮过以下呢个去湿汤,效果都唔错㗎!


冬瓜去湿汤
材料:去湿汤料包一包、老冬瓜一斤
做法:将去湿料浸洗,老冬瓜连皮,核洗净,切块;将全部材料放入煲内,用8碗水煮3小时成4~5碗即可供饮
小贴士:冬瓜皮结白霜者为老冬瓜,有清除热毒功效,就算身体虚弱之人,饮用亦无妨。可加蜜枣,瘦肉同煮

5. 多饮水
除咗皮肤之外,身体都要补充足够水分,咁先可以排走身体入面嘅毒素。排晒毒,咁皮肤咪更加靚靚啰~系咪唔难先?

资料来源:芳姐保健汤餸 http://www.healthy-food.hk/