前排一套《美女与野兽》电影,令到妹猪们发梦都想变成贝儿~又系嘅,入面啲戏服咁靚,又有俊俏嘅王子,仲有茶煲太太等得意到爆嘅精灵帮自己,女小T都表示很想要呀!而家机会嚟喇,英国连锁店Primark嚟紧会推出《美女与野兽》主题嘅生活杂货,性价比仲要超高添!


有冇諗过,真系可以用茶煲太太嚟冲茶,再用渠个仔嚟饮茶?听落好似好残忍添......其实女小T系讲紧呢个茶煲太太茶具套装呀!阿仔盛惠5元英磅、茶煲太太就卖10元英磅,就算买齐一套都系15元英磅,即港币150元度,以呢个质素嚟讲一啲都唔算贵~


令茶煲太太Fans见到会尖叫嘅product仲有呢个钱罂!用渠嚟储钱肯肯定会储得快啲呀!就算当摆设咁放喺度都一样咁靚㗎~呢个盛惠8元英磅~即系80蚊港纸度!


床上用品方面就预计8月中开始推出,其中毛毡同咕𠱸都系卖6元英磅,即系60蚊港纸,劲抵!而床单就仲未公布价钱,不过照其他产品定价嚟睇,价钱应该都唔会太贵嘅~


另一个同样坐拥巨大粉丝群嘅角色-葛士华Cogsworth钟亦都有喺呢个系列入面亮相!冇错,渠嘅产品就系……一个钟!直情好似喺套戏入面走出嚟咁,好搞笑呀!而呢个钟都只系卖6元英磅,性价比超高!


最后就系呢个玫瑰花水杯~造工超精致,只需要5元英磅咋!拎返公司用够晒方便,仲肯定会引嚟唔少艳羡目光添~如果嚟紧有朋友仔去开英国,记住tag渠哋帮帮手喇,哈哈!


资料来源:Primark
http://www.primark.com/en/features/home/2017/june/disney-fans-be-our-guest