2019下半年必睇后续电影

相信唔少观众今年最期待电影一定系上紧嘅《复仇者联盟4》，但2019年除咗《复仇者联盟4》之外，仲有唔少电影嘅后续上映嫁！小T今次就为大家整理好下半年唔可以错过嘅后续电影，等你唔洗周围搵都知几时上～

《哥斯拉II: 王者巨兽》
上映时间：2019年5月9日
巨兽再次登上荧幕，今集系讲述神秘生物学研究所 – 君主(Monarch)派遣成员与巨兽，包括哥斯拉、摩斯拉(Mothra)、拉顿(Rodan)、及哥斯拉最强嘅宿敌王者基多拉(Ghidorah)正面开战。一直被视为传说嘅远古超级生物再度崛起，群起争取地球主权，令人类的存亡再次面临危机。章子怡都有份演出今集电影，终于唔系景甜啦⋯⋯
预告片传送门→https://www.youtube.com/watch?v=bZcE8E0GYHc

《再见亦是狗朋友2》
上映时间：2019年5月16日
延续上集故事，狗仔贝利(Bailey)经历咗几次轮回，每一次都会返到主人伊云(Ethan)身边，但完成今次使命之后，渠就要开始另一个全新历程，就系照顾伊云孙女思希(CJ)。因为主人伊云嘅儿子同媳妇离婚，孙女思希要跟随母亲搬走，伊云认为贝利帮助咗自己嘅人生唔少，希望贝利下次转世可以代替渠照顾思希，由贝利陪伴思希成长，观众再次由狗仔嘅视角思考生命意义。
预告片传送门→https://www.youtube.com/watch?v=UYQZdAX1agc

《杀神John Wick 3》
上映时间：2019年5月16日
前集发展到杀神约翰・维克(John Wick)违反杀手界铁规，系杀手酒店杀死一名高级成员后，被酒店老板荣士敦革除杀手会籍及发出高达1千4百万美金悬赏令追杀，只给予黄金一小时逃生；连约翰嘅恩师 - 杀手集团高层「The Director」亦无计可施。当全城杀手都𥄫实约翰呢嚿肥肉时，渠得到昔日战友苏菲(Sofia)拔「枪」相助。两人面对无尽杀机，一路杀出生路。
预告片传送门→https://www.youtube.com/watch?v=Fu3VcjLYFYM

《变种特攻：黑凤凰》
上映时间：2019年6月6日
故事设于1992年，《X战警：天启》十年之后，由X教授所率领嘅X战警已被视为国家英雄。赢咗呢个全新地位后，渠地因此踏上了一场外太空救援任务；突然太阳闪焰意外击中X太空梭，令「凤凰」琴・葛蕾(Jean Grey)无意间获得一种「不怀好意并渴望力量嘅全新能量」，逐渐化身为能力强大嘅黑凤凰。同时嚟自外星嘅邪恶势力企图利用琴嘅强大力量去统治世界，此时万磁王反过嚟帮助所有嘅X战警，令X战警可以对抗呢个极为恐怖嘅黑凤凰。
预告片传送门→https://www.youtube.com/watch?v=bgj_FF9Ef6g

《蜘蛛侠：决战千里》
上映时间：2019年7月4日
继《复仇者联盟4》后，当梅婶发现并理解彼得(Peter)身为蜘蛛人嘅事实，两人与快乐・霍根(Happy Hogan)投入史塔克工业嘅助贫慈善基金会。某日，彼得同朋友仔前往欧洲进行两周嘅校外教学。因为受到与复仇者联盟合作嘅影响，彼得想暂时放下「蜘蛛人」嘅双面身分，好好地陪伴朋友仔参与校外教学。然而好景不常，嚟自外星嘅威胁，再度影响到彼得生活。神盾局搵上彼得，而彼得必须再度换上「蜘蛛人」服装，并与神秘客合作面对元素众嘅威胁。
预告片传送门→https://www.youtube.com/watch?v=uNYeLDe4FNM

《反斗奇兵4》
上映时间：2019年7月11日
严格嚟讲，第4集唔系上一集嘅后续故事，反而似一套爱情喜剧，讲一个爱情故事，重点唔再系玩具同小朋友嘅交流。
胡迪一直对自己系世界上嘅位置充满信心，渠首要任务系照顾细路，无论系安仔定宝妮。有日宝妮系房间里添加了一个新玩具「小叉」，小叉成日大叫「我唔系玩具！」又静鸡鸡逃走，搞到胡迪同一班玩具要周围搵渠，点知搵搵吓就撞番好耐无见嘅牧羊女－宝贝，仲遇上好多新角色添！
预告片传送门→https://www.youtube.com/watch?v=oguhkxTscmc

《未来战士6》
上映时间：预计2019年11月
今次真系I'll be back，呢套电影系官方公告为1991年电影《未来战士续集》嘅直接续集，而且片商至今都保持神秘，无透露任何电影故事大纲。但灵魂人物莎拉・康纳(Sarah Connor)将由首两集嘅琳达・汉密尔顿(Linda Carroll Hamilton)相距二十八年后再次饰演，而系每集电影都有出现嘅未来战士T-800将会再次由阿诺饰演，粉丝们点可以错过今集嘅《未来战士》呢？
预告片传送门→https://www.youtube.com/watch?v=1uiBQ3ztIvo

《魔雪奇缘2》
上映时间：2019年11月22日
let it go～let it go～《魔雪奇缘2》今年终于上啦，官方暂时未有透露太多剧情，预告片中只见爱莎(Elsa)尝试用冰雪魔力越过巨浪，相信渠地又会展开新一轮嘅冒险故事，记住密切留意官方公布嘅消息啦！
预告片传送门→https://www.youtube.com/watch?v=FkK-nZaUG6g

撰文：SN
图片来源：网络