草泥马听就听就多,隔唔中上网都会见到其搞鬼短片,而家只要喺香港都有得近距离同渠地接触喇!

位于锦上路嘅呢个农庄入面除咗种植了许多有机农作物外,仲有可爱嘅羊羊同兔子,最近仲喺澳洲带咗4只超得意草泥马嚟香港𠻹!小动物都可以近距离接触,喂渠地食草,抚摸渠地超柔软嘅毛毛!


园区好大好宽敞,可爱嘅羊咩咩同兔仔喺入口等住大家,只要到旁边士多购买鲜草($20 一份)就可以进行喂食喇!羊羊们都超级为食,差啲想爬出栏外呢!而兔仔就斯文得多,见到小编拎住鲜草就奔奔跳过嚟,好可爱啊!小编都忍唔住同渠地疯狂自拍!


再向前行,经过游乐区就到我地今日嘅重头戏—草泥马!只要额外付$60 就可以进入渠地基地,近距离互动一番!


4只小朋友超级可爱,3只系咖啡色,1只米白色,小编只要手上拎住鲜草,渠地就会向我狂奔,非常热情!


亲亲完草泥马仲可以到旁边近赏不同农作物,咁啱小编嚟嘅季节应该系菠萝当造时期,农田上布满一个个又大又圆嘅菠萝!口水都流出来了!


园区内亦设有多个打卡位,荷兰风车、摇椅等,无论同闺密定伴侣嚟都保证你地可以玩足成日!


当然亦唔少得亲子区域啦!除咗可以参与唔同工作坊外,园内亦有许多供小朋友游乐设施,绝对会令小朋友流连忘返!


玩到成身汗最适合食冰凉嘅食品,呢个冰火菠萝包套餐($60)就最适合不过!热烘烘嘅菠萝包外皮包着冰凉菠萝雪糕再配上新鲜有机菠萝,口感、味道一流!饮埋自家制农场菠萝蜜,清热又润口。


旁边嘅纪念品区更可以买返只草泥马公仔返屋企,为是次旅程划上完美句号!

如果仲有时间的话,小编建议大家仲可以去埋附近嘅大榄涌郊游行山径,饱览元朗平原的壮丽风景!

地址:新界元朗锦田锦河路四排石村
交通:锦上路站A出口,直行穿过停车场转左直行入隧道再直行就到。(沿路有清晰指引)

入场费-

农庄游套餐$100(成人)包括:
· 通行证一张
· 夹公仔钱币2个
· 羊驼折纸一张
· 祈福牌
· 农庄纪念品一份

农庄游套餐 $80(小童)包括:
· 通行证一张
· 夹卡通沙画
· 夹公仔钱币1个
· 充气堡垒/钓鱼/沙池 (三选一)
· 农庄纪念品一份

额外:$100 成人/$80 小童 20分钟羊驼区与草泥马互动

撰文:Carrie Ho
ch@timable.com
剪接及摄影:Molly Cheung
mc@timable.com