圣诞节就快到喇,梗系要约埋好姊妹/男朋友,一齐去食个圣诞限定Tea,感受下圣诞气氛同打卡啦!今次小T就拣咗五间唔同Feel 嘅酒店同餐厅带大家一齐试下啦!




最少女心!莓果主题下午茶


讲圣诞节就只系諗起雪人、圣诞鹿!?呢间酒店下午茶以莓果做主题,在食物中加入少女最爱嘅亮丽粉红色,色彩鲜艳又不失圣诞欢乐气氛,酸酸甜甜,为味觉带来冲击!

酒店景观开扬,识拣一定系坐喺落地玻璃窗旁嘅位置,夕阳下享受美酒佳肴真系人生一大乐事!

饮品方面,为咗配合闪耀主题,酒店推出2款非常ig-able 嘅鸡尾酒,一款以威士忌为主,加入苹果汁及柠檬汁;而另一款则以毡酒作基底,配以蜜桃甜酒、桑莓果茸、迷迭香等制作而成。

W酒店「闪耀莓乐」下午茶套餐
详情:https://timable.com/event/1880371






最有圣诞气氛!英伦风下午茶

呢间酒店今年嘅主题系「情迷伦敦」,酒店大堂满布圣诞装饰,未行到餐厅门囗,已经感受到浓浓嘅欧陆圣诞气氛,啱晒打卡!酒店仲特别为今个节日设计明信片,餐厅同酒店内客人都可以到前台索取,填完真系会帮你寄出㗎!

伦敦摄政街+英式家居客厅+粉红电话亭+粉红邮筒


而今次嘅重点当然系「情迷伦敦圣诞」下午茶啦!4款精致咸点配以7款甜点,每一款唔单止造型别致,味道亦十分适合香港人口味。而令小T最有惊喜系清新嘅龙虾挞配椰菜花蓉,酥脆挞皮配以口感弹牙龙虾肉,十分滋味!甜点方面则推荐小鹿蛋糕,香滑朱古力配以榛子酱慕丝,唔会有过份甜腻嘅感觉〜


咁得意嘅造型真系好难抗拒啊!!


*每位+$100 仲可以享用升级两小时无限量供应普罗赛克气泡酒圣诞香料酒,气泡酒可以加自己钟意嘅水果。


香港朗廷酒店「情迷伦敦圣诞」下午茶
详情:https://timable.com/event/1880239
*即日起到12月15号前网上预订更可享有8折优惠





最靚景!无敌大海景下午茶


有咩正得过一边高空俯视维港美景,一边叹住高级美点?呢间餐厅嘅食物由香港丽思卡尔顿酒店主理,质素绝对有保证!套票仲包含观光门票,最适合同你嘅爱人叹完下午茶后,到观景台饱览醉人嘅景色!

口感幼滑的栗子慕丝、香甜不腻的圣诞干果蛋糕及香醇浓郁的朱古力泡芙,果仁爱好者不容错过!


日光从玻璃窗穿透,咁靚嘅景色梗系要影多几张相,留住最美一刻!

天际100「圣诞二人下午茶」
详情:https://timable.com/event/1880399






最Chill池畔!美颜下午茶

下午茶有靚景、有美食仲有礼物收!? 呢间酒店嘅圣诞限量下午茶同瑞士护肤品牌GLYCEL合作,推出「燕窝鱼子酱焕肤下午茶」,最适合贪靚嘅女仔!茶点包括六款甜点及五款精选咸点,小编最爱燕窝法式栗子挞燕窝葡挞,滋润嘅燕窝令甜点变得更高级!


酒店环境宁静宽阔,天气晴朗时仲可以到户外泳池旁边打卡!


凡惠顾下午茶仲会赠送燕窝及鱼子肌肤护养产品,包括燕窝紧致修护精华(3ml)、燕窝紧致修护眼部精华(3ml)、燕窝完效极致乳霜(3ml)、细胞升华面霜(7g)及全效升级版鱼子极致修护面膜。女士更可免费体验价值港币 $1,960 的 75 分钟深海能量细胞修护疗程!食完即刻同好姊妹去做个靚Facial 过圣诞!

皇冠假日酒店「Club @28 x GLYCEL 燕窝鱼子酱焕肤下午茶」
详情:https://timable.com/event/1880362






最新潮!健康素食下午茶

铜锣湾素食下午茶,食物全部无奶、无蛋、无麸质,素食汉堡及蕃茄肉丸更使用Green Monday 未来牛肉,口感同牛肉非常相似!一齐为环境出一分力!!


下午茶造型以可爱小熊为主题,以可持续发展概念的倒数日历为灵感,影相打卡一流!


The Cakery「素食餐单圣诞下午茶」
详情:https://timable.com/event/1880430
*Lee Gardens Club 会员独家尊享8折优惠




撰文:Carrie Ho ([email protected])
剪接及摄影:Molly Cheung ([email protected])