立春后嘅天气,一时潮湿一时干燥,反反复复好难捉摸呀!如果房间太潮湿,瞓觉都唔舒服啦,仲有机会影响健康呀。下面有几个方面对付潮湿天气,而且简简单单就做到,立即学起来!

旧报纸吸湿


报纸真系居家良品,用嚟清洁玻璃窗又得,吸湿又得!只要卷起报纸再挂起,放入衣柜,过一星期左右就可以再更换。虽然报纸好用,但报纸同时都系曱甴温床,所以唔好囤积过多喺屋企。

关上向南的窗口


潮湿天气多数系冬天同春天交替吹南风所致,所以关起向南面嘅窗口,就可以避免户外嘅湿气吹入屋。特别系拖完地之后,关窗再开电风扇。如果唔系,地下都几难干。

定期清洁洗衣机


回南天最烦一定系洗衫,冇太阳晒过嘅衫,总系有一阵味。好多人可能会选择再洗过,但其实洗衣机都可能有问题!如果长期无洗过洗衣机内部,有机会蕴藏住好多细菌同污垢,令你嘅衣服洗极都唔干净。梳打粉系一种天然清洁剂,同时都可以用作洗衣机清洁剂。首先喺空嘅洗衣机滚筒加入约200克-227克梳打粉,之后正常开机洗。呢个清洁动作,最好每月做一至两次。

长短挂毛巾


毛巾好易藏细菌,加上挂极唔干,又有一阵味就更加唔想用。但只要将毛巾前后一长一短咁挂起,就会比叠住快干。

用热温水拖地


液体温度越高,挥发速度越快,所以用温水拖地板比冻水快干。但注意家中地板是否适合用热温水,而且拖地时亦要格外小心,若家中有小朋友,最好先带孩子离开清洁范围。