【在家工作】轻盈小食推介

作者: Timable, 2020年2月19日 (三) 上午5时


抗疫生活已经开始咗差唔多一个月啦,好多打工仔都在家工作半个月。有冇发现home office仲肥过office office!只因屋企太舒服太自由啦。唔想再肥落去?睇吓有咩轻盈小食选择啦。

苹果加芝士


苹果系健康水果,更可以带嚟饱腹感,避免体重增加。苹果切片,再加车打芝士(约半寸厚),味道好夹,仲好清新!即使食多两块都唔会太肥。

火鸡卷


轻盈食物唔一定系蔬果,火鸡片都系低卡食物。五片火鸡加两片红椒,再沾小小芥辣一齐食,总卡路里都只系150咋。绝对系简单又好食嘅小食。

味噌汤


味噌由大豆发酵而成,含有丰富蛋白质、矿物质同大豆异黄酮等等丰富营养。但要注意味噌盐分高,所以饮完味噌汤之后,可以饮返多啲水补充,可利尿消水肿。

无糖豆腐花


一碗豆腐花大约只有190卡路里,唔加糖水同黄糖就加健康,仲可以品尝到真正豆味。

Daisho 轻盈低卡饱腹速食粉丝


其实市面上都有好多呢类低卡速食粉丝。而呢种牌子一包就只有52卡路里左右,真系食完都唔会有罪疚感呀!但暂时未见香港超市有售呢款,想要就要搵代购帮帮手啦。

图片:网络