最近大家留喺屋企都留到闷,开始会出下街,甚至去行山,透下气!但反而令到行山人士大增,仲容易引起爆发风险。 本身已经系山友嘅化学教父 K Kwong,除咗热心搞HK Mask之外,亦都提供咗安全行山礼仪畀大家!


1. 去「高危行山径」时,或者人与人之间的距离只有10零米内企2个人时,请全程带口罩。

2. 上山除口罩后自己带走,切勿放入山中的垃圾桶,马騮同牛牛会摷垃圾桶。

3. 除咗口罩后,请注意附近有冇人行,如果有人行,请勿做「危险行为」产生飞沫,例如:咳、吐口水、大声讲嘢。

4. 见到有人后面跑山赶上亦不必向后望,只要左、右移动就可以,跑山友们有可能一路跑一路好大力呼吸,飞沫会比较多。

5. 非常时期,可以唔进行平时嘅行山礼仪「见到迎面山友大声打招呼」,点点头亦可以,以免产生飞沫。

6. 多D硏究地图,或问人,边度少D人行。我自己去果D,一般都冇乜人识去,写俾你都冇乜用,例如:西流江、大水湖、青松红壑@青山腹地、杯灵双渡、长咀、大蛇湾、女婆山、老虎骑石、牛耳石山、鹿巢山、石狮山、干隆古道 ......太多太多

另外高危多人4大径、郊游径(例多黄龙坑、船湾)、狮子山、九径、太平山、平/长/南/东/塔/蒲等等岛仔,可以避免就少去!

资料来源:K Kwong Facebook