【植物X轻食】大埔货柜屋小店 每星期营业一天

位于大埔嘅Mr Cardigan plant house系一间以植物盆栽做主题嘅小店，店内可提供嘅食物款式唔多，有花茶、咖啡、多士同蛋糕。虽然小店唔系主打食物，但就啱哂钟意影相打卡，或者钟意盆栽种植嘅你。因为店内外都摆满植物盆栽摆设，就好似一间小型温室，有啲盆栽仲可以即场购买。远离城市，望到嘅都系店主精心打理嘅植物，加上音乐同轻食，绝对系超理想嘅假日活动。




食物款式唔多，但摆盘上餐一样细心！客人用餐时发现碟上有块叶，当然唔系用嚟靚咁简单，系店主自手种植嘅香草或食用花，系比俾客人指尖留香！用力摸摸块叶，咁就成日都闻到香味啦。


由于Mr Cardigan plant house嘅环境设计太好影，小店经常被人借嚟拍摄用，所以去之前最好上渠哋专页查看。小编认为一年可以到访小店几次，因为植物跟随时节会有唔同变化，今季到访完，下季再去时已经系不一样嘅光景。最后，小店每星期只有星期日营业，想去嘅就要留意吓啦！

Mr Cardigan plant house
地址: 大埔山寮路路口白色货柜(大尾督)
营业时间: 逢星期日14:00-18:00(特别开放会另外公告)
如何前往: 大埔墟火车站75k巴士 / 20C小巴，于山寮站下车。

图片: Mr cardigan plant house FB专页
撰文: ZOE