唔知大家玩动森出岛果阵,有冇遇过呢一只动物仰韶?被评为五大动森恐布村民之一嘅仰韶,陶土嘅身体加上无五官,嘴同眼都只喺得个窿。同渠讲野亦无表情变化,感觉诡异又神秘,有啲人甚至俾渠吓亲。不过根据仰韶呢个名,加上渠嘅日文名Yayoi(やよい),都可以显示渠其实大有来头!


仰韶呢个名,其实喺源自仰韶文化而改,仰韶文化喺黄河中游地区重要嘅新石器时代文化,出现时期约为公元前五千年至公元前三千年前,1922年一位瑞典学者Johan Gunnar Andersson喺河南三门峡地区仰韶村,发现呢个远古文化遗址,亦成为中国现代考古学诞生嘅开始,而仰韶文化亦喺中国新石器时代中第一个被正式命名嘅远古文化体系。及后仰韶文化遗址亦被发现分布整个黄河中游地区,再唔净喺局限于仰韶村。


仰韶文化喺一个以农业为主嘅文化,仰韶文化前期陶器多为手制,有啲陶器亦有用编织物印落作图案,亦会彩绘几何图形。唔少陶器都以泥红陶同红褐陶为主,所以陶器颜色多为红色。

可以见到,仰韶呢个中文官方译名,其实喺动森一个小彩蛋,而仰韶日本原名Yayoi(やよい)更贴近呢只陶土兔仔嘅原型!

Yayoi喺指日本嘅弥生时代,为西元前10世纪到3世纪中后期,当时人们大多使用弥生式土器,所以呢个时代就被称为弥生时代。


而呢个时候亦都有「埴轮」出现,以粘土制作,大部分都喺中空。埴轮出现喺弥生时代晚期,埴轮常见于日本古坟上方同附近位置,确切用途虽然未能确定,但由于有人型、动物型、屋型埴轮等,所以都唔少人认为喺一种陪葬品同装饰品,唔少埴轮都以一行行排列,所以都被认为喺表现葬礼情景,重现生前祭典嘅表现,以表达敬意。


仰韶嘅座右铭喺「前方后圆墓」,前方后圆墓喺日本常见古墓形态,唔少前方后圆墓出土嘅文物当中,都会有埴轮出现,而后期随住时代改变,埴轮制作逐渐消失,前方后圆墓亦一样同时间消失。


所以仰韶嘅真身,好可能就喺弥生时代嘅兔型埴轮。动森成功以陶土质感嘅动物包装,用呢个迷人神秘嘅角色,吸引唔少人去研究呢几个有意思嘅历史文化呀!



手捏陶瓷工作坊 (私人班)

私人班减低交叉感染风险,讲解陶瓷基本知识,教授传统手捏方法。

报名传送门☞https://timable.com/event/1905324



外卖彩绘陶瓷工作坊

将陶瓷工作坊带入你屋企,安在家中为作品上色,详细教学无难度

报名传送门☞https://timable.com/event/1907993



清酒Set工作坊 (迷你拉坯体验+手捏陶瓷体验)

一次过体验晒两种做陶瓷既方法,制作属于你的一套清酒套装作品。

报名传送门☞https://timable.com/event/1908325



揿入去睇更多你意想唔到咁好玩嘅工作坊:
http://bit.ly/2E1EGpB

撰文:Ro
图片:网络,Tokyo National Museum,osaka-info,首都博物馆