捉紧春天的尾巴,想趁好天气出外呼吸新鲜空气,兼晒吓太阳。呢条青衣自然径就啱哂啦!沿路行都系多树荫,而且大部份路都已经铺好,同埋有扶手,唔会太难行。整条自然径都有几个观景亭供休息,可以停低影相打卡。另外,青欣山可以远眺青马大桥,如果遇上黄昏时间,仲可以欣赏埋日落先走!

注意:本港疫情仍未受控,各位外出时请注意个人衞生,郊游时请保持环境清洁。


图片:[email protected]

青衣自然径有1号至5号观景亭,建议大家出发前先睇入口嘅地图,再计划点行。因为并唔系每个亭都有开扬风景欣赏,例如3号观景亭,周围环境都系树,风景比较逊色啦!所以计划好,就唔洗行额外嘅路。


图片:Little Red [email protected]_HK

如果想影哂青马大桥靚景,就要从2号观景亭附近嘅一条小路往下行,见到有楼梯继续向下行,直到见到青马大桥。但要注意,呢条小路难度较高,冇人工化嘅铺路同扶手。大家记得量力而为,唔好为咗打卡而走险。


图片:Little Red [email protected]山楂Zandra

最后,请唔好随便扔垃圾,自己垃圾自己带走。一齐爱护郊外环境!


图片:[email protected]_wing_chiu

如何前往:
青衣港铁站A1出口,乘搭248M巴士往长宏方向,总站长宏邨(或长宏邨巴士总站)下车。或于其他地方乘搭42M/43A/42A/42C/242X亦可到达长宏邨巴士总站。

下车后,沿寮肚路走至车道尽头,就会见到青衣自然径入口。

全长:
约4公里

文:Zoe