想喺香港帮衬良心店拉面或日式菜,其实有好多选择!各有各卖点,全部都好值得大家去「撑」!红磡拉面天王提供4款拉面,分别是白天王、赤天王、黑天王和定期转款式嘅限定天王。价钱亦算好亲民,大概$72-$92说品尝到高质素拉面!

封面图片:[email protected], [email protected]全民帮衬受影响小商贩

日本人食拉面就会饮埋汤底,但喺香港好多人都怕汤底过咸,饮埋汤底呢种食法唔算好普及。不过如果你们嚟到拉面天王,小T强烈建议你饮埋个汤底!除咗好味之外,仲有惊喜呀!


只碗仲要系百份百日本制!店主身体力行话俾大家知,我哋仲有好多选择,唔一定要用中国制产品。


讲返小店嘅拉面,长期固定有得叫嘅拉面有白天王、赤天王同黑天王。

图片来源:yummyamiii__

黑天王汤底好啱钟意浓味嘅朋友,先饮一啖汤底已经饮到好香黑蒜味,但绝对唔系得个「咸」字。面条唔系特别粗嘅款式,但好弹牙,同挂到汤!加上大片肥瘦叉烧,不过小T比较钟意食香口嘢,如果啲叉烧再烧焦啲就更好啦!拉面仲有其他配菜:半只糖心蛋、椰菜、紫菜、葱同黑木耳,所以食落相当满足。

图片来源:cheapjing.eater

白天王即系猪骨汤底,系最基本款拉面。同样用上幼拉面,挂汤能力十足!

图片来源:Ivan_leigh

见到赤天王全红汤底,都估到系辣啦。结果出奇地冇想像中咁辣,但味道香浓。

小店座位不算多,大约设有25座。假日时间可能会比较多人,如果想去试吓嘅朋友,就要耐心等候啦。

图片来源:拉面天王@FB专页

拉面天王
地址:
红磡德民街17-27号B5B地下

营业时间:
星期一至日
12:00 - 22:00


持续开放收料:


Timable想出一分棉力撑良心小店!如果各位有心人,知道有良心小店正在告急,请报料话俾我哋知!总之有良心嘅我哋就送广告(出名嘅暂时唔洗报住~)

欢迎报料!再Share埋俾朋友知呢个报料活动啦!
报料传送门:
http://forms.gle/3CzH3Rgxw3DNT29r5